أمن مراكش شدو واحد الحلاق في المسيرة 3 بمراكش كان مدخل واحد الكليانة ديالو في المحل وكيصبغ لها شعرها في حين ان الدولة المغربية فرضات حالة الطوارئ على جميع المدن المغربية.
وعلى حسب مصادر موثوقة كتقول بان السلطات المحلية كانوا في جولات مراقبة وتفتيش كما هو ساري به العمل يوميا حتى شافوا واحد محال ديال كوافور محلول وفاش وقفوا عليه لقاوه كيمارس عمله عادي وكيصبغ ليها الشعر.
و من بعد شدوهم و داوهم للدائرة الأمنية باش يحققو معاهم و من بعد نقلوهم لولاية الامن بمراكش لتطبيق القانون على مخالفتهم لقانون الطوارئ اللي كتعرف البلاد في هاد الوقت بسبب فيروس كورونا.